Autobusi i tifozëve të Shkodrës është goditur me gurë nga disa persona ende të paidentifikuar, pas ndeshjes me Tiranën. ‘Klasikja’ e futbollit shqiptar, Tirana-Vllaznia, që ishte edhe takimi hapës i javës së 27 të kategorisë Superiore ka përfunduar në favor të miqve me rezultatin 1-2. Të parët që kaluan në avantazh ishin shkodranët në minutën e 53 falë një penalltia të finalizuar saktë nga Olsi Gocaj.
Kryeqytetasit filluan të reagojnë, ndërsa në të 80 Mokhtar Cisse barazoi përkohësisht rezultatin. Pak minuta para fundit, Gurishta do shënonte golin e dytë për miqtë që do rezultonte edhe goli që vulosi rezultatin, 1-2. Viti 2017 është kthyer në makth për bardheblutë në kampionat, pasi ende deri më sot nuk ka njohur fitore, pas 9 ndeshjesh.
Shfaq Komentet (0)
